RIANXO – Detido un home por un delito de violencia de xénero nun altercado en Taragoña
A Policía Local e a Garda Civil de Rianxo detiveron a primeira hora da tarde do pasado domingo, día 15 de maio, a un home por un delito de violencia de xénero. Os axentes indicaron que acudiron arredor das tres da tarde á chamada dun particular que informaba dun altercado que tiña esa persoa coa súa parella nun establecemento hostaleiro de Taragoña. Ao parecer, a muller sufriu lesións na cabeza, polo que foi atendida no centro de saúde da localidade. O home foi trasladado aos calabozos do cuartel do instituto armado na vila, e estaba previsto que este luns pasase a disposición do xulgado de garda de Padrón.
